Dakpan ang usa ka 42-anyos nga lalaki atol sa gipahigayon nga drug buy-bust operation sa Purok Silangan, Barangay Estaka, Dipolog City niadtong nakalabay nga adlaw.
Nasakmit gikan sa suspetsado ang mokabat sa 0.5 gramos nga gituohang shabu nga adunay standard drug price nga mobalor sa ₱3,400.00 lakip na ang usa ka ₱1,000.00 bill nga buy-bust money.
Gipangunahan ang maong operasyon sa Dipolog CPS (SDET) kauban ang PDEA Region 9, 1st Zamboanga del Norte Provincial Mobile Force Company (ZNPMFC), ug Regional Drug Enforcement Unit 9 (RDEU 9) nga mi-resulta sa malampusong pagkasikop sa suspetsado.
Ang mga droga gidala sa Zamboanga del Norte Provincial Forensic Unit alang sa laboratory examination samtang ang suspetsado anaa na sa kustodiya sa Dipolog City Police Station alang sa tukmang disposasyon.
Photo for illustration credits to:Britannica
