Nasikop sa California Highway Patrol ang usa ka motorista human masakpi nga naggamit og peke nga plaka nga iya mismong gisulat ug gidrawing aron susama sa tinuod nga plaka sa California.
Matod sa opisyal nga pahayag sa Merced Station sa CHP, gisusi nila ang sakyanan pagkahuman nilang namatikdan nga adunay “dili kasagarang o kadudahang tan-awon” sa likod nga plaka.
Sa ilang pagsusi, nadiskubrehan nga ang plaka sinulat ra sa kamot ug adunay mga dibuho sa numero, letra, ug bisan pa ang logo ug sticker sa pagparehistro.
Sumala pa sa drayber, nawala ang orihinal nga plaka maong nagpataka siya og himo. Sa kalingawan sa maong insidente, nangumedya pa ang mga opisyal sa highway patrol nga, “Atong hatagan og puntos ang drayber alang sa iyang pagkamamugnaon!”
Photo courtesy: Youtube
