Nagpasalamat ang kambal nga si Kiel ug Vito Gueco nga nailhan nga Mantuk ug Tukman sa GMA superserye nga Encantadia Chronicles: Sang’gre sa ilang mga fans tungod sa mainiton nga suporta.
Tungod sa ilang natural nga good vibes ug chemistry, dali nilang nadala ang ilang mga karakter sa serye. Sa ilang bag-ong pagbisita sa Unang Hirit, gipaabot sa duha ang ilang kalipay ug pasalamat sa mga tumatan-aw nga padayon nga nagsuporta sa ilang panag-uban.
Dili lang sa kamera makita ang ilang pagkasiaw, apan apil usab sa off-cam moments uban sa ilang co-stars, ilabina si Rhian Ramos nga nagdala sa papel ni Kera Mitena.
Kanunay usab silang mag-uban sa mga vlog, prank, ug dance cover nga nagpakita sa ilang pagkasuod.
Sa serye, silang Mantuk ug Tukman nga mga anak ni Wantuk (Buboy Villar), nakig-away kauban ang mga Sang’gre, ilabina si Adamus (Kelvin Miranda). Gigamit pa gyud nila ang ilang kahanas sa pagsayaw alang sa ilang mga intense fight scenes.
Photo courtesy:GMA
