Gibarugan sa Senate Committee on Finance hingpit na nga kuhaon ang unproframmed funds ubos sa 2026 national budget. Kini bisan pa sa pag-aprobar sa Kamara sa ₱6.793 trilyon nga 2026 General Appropriations Bill (GAB) nga adunay unprogrammed nga pundo nga mokabat sa halos ₱250 bilyon.
Matod ni Senate Finance Committee Chairman Sherwin Gatchalian, base sa mga diskusyon nila ug sa mga senador, tangtangon sa budget ang unprogrammed funds gawas lang sa foreign assisted projects nga dunay foreign loans nga segurado nga makuhaan.
Samtang, kon pangutan-on ang mga senador, imintinar lang nila ang proposed ₱902.895 milyones nga budget sa Office of the Vice President (OVP). Gipasabot ni Gatchalian nga 1.5% ra ang giusbawan sa budget sa OVP, busa unsa pa ang ilang ibawas niini.
Photo courtesy to:PEP.PH
