Gibarogan sa Department of Foreign Affairs (DFA), nga dili kini makakanselar sa mga passport kung walay court order. Ang pamahayag sa ahensiya, nunot sa akusasyon ni Navotas Rep. Toby Tiangco nga “nag-advocate” ang ahensya kang kanhi kongresista Zaldy Co sa pagdumili sa pagkanselar sa iyang passport.
Matod sa DFA, ang pagkanselar sa passport gitugotan lamang subay sa mga rason ubos sa bag-ong Passport Law, sama sa mga passport nga gigamit sa pagpanikas, gi-tamper, o gi-issue sa sayop, ug kung ang usa ka tawo nakonbikto sa korte isip pugante.
Gihatagan usab og gibug-aton sa DFA, nga ang proseso gibase sa balaod ug dili maimpluwensyahan sa usa ka politiko.
Samtang si Rep. Tiangco nga ang DFA secretary adunay gahum ubos sa Administrative Code sa pagkansela sa passport ni Co, alang sa nasudnong seguridad, kaluwasan sa publiko o public health reason, bisan og walay court order.
Photo courtesy to:PIA
