Gipasidunggan sa Guinness World Records ang litrato nga giila karon nga pinakataas nga line-of-sight nga nakuha sa kalibutan.
Ang hulagway kuha ni photographer Marc Bret Gumá niadtong Hulyo 16, 2016, diin iyang nalitratuhan ang Pic Gaspard sa French Alps gikan sa Pic de Finestrelles sa Pyrenees nga gilay-on og 443 kilometro.
Gigamit niya ang Panasonic Lumix FZ72 uban sa 1200 mm zoom, ug tungod sa klaro nga panahon ug husto nga anggulo, opisyal kining narehistro isip world record.
Photo Courtesy to:TOP10S
