Naglusad og hotline ang Mayors for Good Governance (M4GG) aron ma-report dayon sa publiko ang mga anomalosong proyekto sa gobyerno sa ilang mga lugar.
Gitawag kini nga REPORT INFRA aron ang mga lungsoranon, kawani sa gobyerno, kontraktor ug mga negosyante adunay luwas ug accessible nga tulay sa pagpaambit sa verified information o ebidensya sa nagkalain-laing matang sa anomaliya.
Ang publiko mahimong motawag ug mosumiter og tips pinaagi sa telepono sa (02) 8459-0143 gikan Lunes hangtod Biyernes gikan sa alas 9 sa buntag hangtod sa alas 4 sa hapon. o online sa reportinfraph ug mayorsforgoodgovernance.ph/reportinfraph o mayorsforgoodgovernance.ph/reportinfraph.
Si Baguio City Mayor Benjamin Magalong, usa sa mga miyembro sa koalisyon nga nagtukod sa hotline, niingon nga dali nga maka-report ang katawhan sa ilang mga reklamo ug makita nga mga anomaliya sa lainlaing mga proyekto sa gobyerno.
Ang matag gisumite nga impormasyon maampingong gitun-an sa ilang legal ug teknikal nga grupo ug ang napamatud-an nga mga taho isumite ngadto sa Independent Commission for Infrastructure (ICI).
Photo Courtesy to:Radyo pilipinas
