Gibutyag kagahapon ni Department of the Interior and Local Government (DILG) Secretary Jonvic Remulla nga ang ahensya miuli og PHP500-M nga “insertion” sa Philippine National Police’s (PNP) intelligence funds para sa fiscal year 2025, nga nagkanayon nga wala kini gipangayo sa departamento.
Gihimo ni Remulla ang pagbutyag atol sa budget deliberations sa Senate Committee on Finance sa gisugyot nga PHP287.48-B nga gahin alang sa DILG ug sa mga attached agencies niini sunod tuig.
Ang komento naggikan sa naunang mga alegasyon ni Agriculture Secretary Francisco Tiu Laurel Jr., kinsa miingon nga ang ni-resign nga si Ako Bicol Party-list Representative Zaldy Co giingong mipugos sa Departamento sa Agrikultura sa pag-isyu og permit alang sa importasyon sa isda nga mokabat sa 3,000 ka containers alang sa iyang tulo ka kompanya.
Si Senador Gatchalian, nga maoy chairman sa Senate finance panel, nangutana nganong mius-os ang intelligence funds sa PNP gikan sa PHP1.3-B karong 2025 ngadto sa PHP800-M sa 2026 budget proposal.
Giklaro ni Remulla nga ang PNP, usa ka attached agency sa DILG, ni-align sa ilang proposed budget sa National Expenditure Program (NEP), dili sa General Appropriations Act (GAA), ug wala mangita og dugang intelligence funds lapas sa orihinal nga giplano.
via:DILG
