Nagtinguha nga magpahamtang og safeguard duty ang Department of Trade and Industry (DTI) sa mga importasyon sa semento aron masiguro ang usa ka level playing field ug mapanalipdan ang lokal nga industriya.
Sa usa ka pamahayag niadtong Martes, ang DTI nagkanayon nga ang imported nga semento pahamtangan og safeguard duty nga P14 matag 40-kilogram nga bag sa Ordinary Portland Cement Type 1 ug Blended Cement.
Ang kantidad katumbas sa P349 matag metriko tonelada ug ipatuman sulod sa tulo ka tuig. Gisubli ni Trade Secretary Cristina Roque nga ang import duty sa semento temporaryo nga lakang sa tumong sa pagpabalik sa patas nga kompetisyon ug pagpanalipod sa kaayohan sa mga konsumidor.
Kini nga lakang gituyo aron patas ang pagpahigayon tali sa mga domestic manufacturers ug importers ug wala gilauman nga ipasa sa mga konsumidor, tungod kay ang safeguard duty magamit ra sa imported nga semento.
Bisan pa niana, gibutyag niini nga ang pagpahamtang sa usa ka safeguard duty ipailalom sa “dynamic monitoring” aron masiguro ang lig-on nga presyo ug suplay aron matubag ang panginahanglan.
Sa partikular, hugot nga bantayan sa DTI ang pagpatuman ug epekto sa panalipod aron mapugngan ang bisan unsang dili angay nga pag-adjust sa presyo. Siguruhon usab niini nga ang mga katungdanan magpabilin sa lebel nga gikinahanglan aron matubag ang mga grabe nga epekto nga giatubang sa mga domestic player.
Diin regular nga ribyuhon sa DTI ang safeguard duty aron ma-adjust ang sakop ug intensity niini agig tubag sa kahimtang sa merkado. Ang DTI nagkanayon nga ilang gisagop ang temporaryong safeguard duty sa imported nga semento subay sa rekomendasyon sa Tariff Commission.
Gibutyag usab sa DTI nga ang levy nagrepresentar lamang sa 3 ngadto sa 4 porsyento sa nag-una nga retail nga presyo. Apan, ang DTI miingon nga ang sobra nga cash bond nga gibayran sa mga importer—o ang kalainan tali sa provisional ug final duty nga gi-assess—ibalik sa higayon nga mo-isyu kini sa katugbang nga department order.
Aktibo nga i-regulate sa nasmapit nga departamento ang mga epekto sa safeguard tariff aron mapadayon ang balanse nga environment diin ang mga lokal nga tiggama ug mga importer sa semento mahimong mopahiangay, makigkompetensya ug molambo, labi na sa panahon sa mga kalamidad o pagkabalda sa suplay.
