Nasentro sa kontrobersiya si Wanda Tulfo-Teo, human sa iyang Facebook post pagkahuman sa linog nga miigo sa Manay, Davao Oriental.
Sa maong post, giingon ni Teo nga “ang mga Tulfo siblings ay laging tumutulong sa inyo, maski walang sakuna.” Tungod niini, daghang netizens ang misaway kaniya, nagtuo nga mura kini’g pagpanghambog imbes nga tinuod nga simpatiya sa mga biktima sa linog.
Samtang init pa ang isyu, daghang netizens ang nagpahayag nga mas maayo kung ang tabang ipakita sa buhat ug dili sa social media.
Sa laing bahin, ilang gidayeg ang uban nga mga personalidad sama nila Sarah Geronimo ug Matteo Guidicelli, nga wala magpahibalo sa publiko apan aktibong nagpadala og donasyon ug tabang alang sa mga naapektuhan sa linog.
Bisan pa man gi-delete na ni Wanda ang iyang post, padayon gihapon ang diskusyon sa social media. Daghang netizens ang nakascreenshot sa maong post ug nagpadayon kini nga trending topic.
Kini nga isyu nagpahinumdom sa tanan nga sa panahon sa kalamidad, mas importante ang buhat kaysa mga istorya.
via :PEP.ph
