Usa ka talagsaong inobasyon sa teknolohiya sa kaluwasan panahon sa kalamidad ang gihimo karon sa Japan usa ka advanced earthquake protection system nga makapalupad sa tibuok balay sa dihang mokusog ang linog.
Ang maong sistema naggamit og kusgan nga mga air compressor aron makabuhat og “cushion of air” ilawom sa balay, nga makapataas niini og pipila ka sentimetro gikan sa yuta.
Tungod niini, malikayan ang kusog nga pag-uyog ug paguba sa estruktura, nga magpanalipod sa kinabuhi ug kabtangan sa mga lumulupyo. Ginasuwayan na karon sa mga Japanese engineers ang teknolohiya sa mga lugar nga pirming maigo sa linog.
Gituohan sa mga eksperto nga kon mapauswag pa kini, mahimong kasagarang bahin sa mga balay sa umaabot, ug makatabang pagkunhod sa gasto sa pag-bangon human sa kalamidad.
Ang mga unibersidad ug mga engineering institute sa Tokyo ug Osaka mao ang nanguna sa mga pagsulay, ug gilauman nga mahimong komersyal nga magamit sulod sa usa ka dekada.
via:DIGITAL KASHMIR
