Nakakuha ug pagtagad sa tibuok kalibutan ang usa ka talagsaong kaso sa South Beach, Florida, human ang usa ka walay kamot nga artista nga si Jonathan Crenshaw, 34, gidakop niadtong 2018 tungod sa pagdunggab sa usa ka turista, apan sa ulahi gideklarar nga “not guilty” sa hurado niadtong 2021.
Si Crenshaw, kinsa nailhan sa iyang abilidad sa pagpinta gamit ang iyang tiil, gipasanginlan sa pagdunggab sa bukton gamit gunting sa turista nga si Cesar Coronado, 22 anyos.
Matod ni Coronado, nangutanan lang sila sa direksiyon dihang kalit siyang gidunggab ni Crenshaw ug dayon midagan. Ang katingad-an, Gigamit ni Crenshaw ang iyang tiil aron pagkupot sa gunting.
Depensa ni Crenshaw, kalit siyang gikulata ni Coronado, mao nga iyang gipanalipdan ang kaugalingon gamit ang gunting.
Bisan pa sa pagpasaka sa kaso nga aggravated battery batok kang Crenshaw, ang kaso milahutay sa korte ug sa kataposan, niadtong 2021,og mapamatud-ang walay sala.
Si Crenshaw usa ka lokal nga artist sa South Beach, nagdrawing gamit ang iyang tiil ug nagbaligya sa iyang mga obra sa Lincoln Road Mall, nga moabot og $60 matag dibuho.
Nahimo pa siyang bahin sa usa ka viral video ni Dave Portnoy sa Barstool Sports niadtong 2020, diin nibalik ang iyang kasikat sa 2022.
Sa kasubo, namatay si Jonathan Crenshaw niadtong Mayo 2023. Bisan pa niini, ang iyang istorya nagpabilin nga usa ka mahinungdanong pahinumdom nga sa mata sa balaod, wala siya napamatud-ang sad-an.
Photo courtesy to:Project Nightfall
