Gisugyot ni Senator Erwin Tulfo ang “One-Month Tax Holiday of 2025” ubos sa Senate Bill No. 1446 nga nagtinguha nga hatagan og usa ka bulan nga exemption sa buwis alang sa mga trabahante.
Kon kini maaprubahan, dili paninglan og income tax ang suweldo sa mga empleyado sulod sa usa ka bulan aron matabangan sila sa pag-atubang sa taas nga presyo sa mga palaliton.
Apan matod ni Secretary Frederick Go, Special Assistant to the President for Investment and Economic Affairs, kinahanglan nga masusi nga pagtuonon ang maong panukala aron masiguro kung kaya ba kini sa ekonomiya sa nasud. Gipasabot usab niya nga kinahanglan pa kini tun-an sa Department of Finance (DOF) ug Department of Budget and Management (DBM) tungod kay posible kini makaapekto sa kita sa gobyerno.
Gipasabot usab nga ang mga mandatoryong kontribusyon sama sa SSS, PhilHealth, ug Pag-IBIG magpabiling ibawas sa suweldo bisan pa man ipatuman ang tax holiday.
Photo courtesy: GMA NEWS ONLINE
