Usa ka 22-anyos nga comic book enthusiast gikan sa Indiana, U.S.A. ang nakab-ot ang Guinness World Record tungod sa iyang koleksiyon nga adunay 2,318 ka collectables nga Batman villain nga si The Joker.
Giila ang babaye nga si Megan Pierce, nagsugod sa pagkolekta sa bata pa siya, og sa paglabay sa panahon, nakatigom siya og lain-laing mga butang sama sa action figures, comic books, Joker rollerblades, skateboard, ug mga milk caps gikan pa sa tuig 1966.
Nagsugod si Pierce sa pag-post og mga content sa social media kabahin sa iyang koleksiyon panahon sa COVID-19 pandemic.
Niining tungora, naengganyo siya nga mo-apply para sa Guinness World Record ug hingpit nga nakuha ang kadaogan
Matod pa ni Pierce, padayon pa gihapon nga nagkadaghan ang iyang koleksiyon, apan dili siya mahadlok kung adunay mosulay nga molabaw sa iyang rekord.
Photo courtesy: Guinness World Record
