Gibutyag sa Malacañang nga dili angay mabalaka sa natala nga paspas nga pagtaas sa inflation niadtong buwan sa Septyembre nga nakatala og 1.7%.
Matod ni PCO Undersecretary Atty. Claire Castro, nakig-alayon na sila sa economic team sa Administrasyon ug nasuta nga wala pa kini molapas sa projection rate nga 2 ngadto sa 4 ka porsyento nga inflation nga natala sa miaging bulan.
Dugang pa ni Castro, layo pa kini sa projection rate samtang matod niini parehong nakita ni DEPDEV secretary Arsenio Balisacan ug Special Assistant to the President for Investment and Economic Affairs Frederick Go nga hinay ang pagsaka sa natala nga inflation.
Gibutyag ni Castro, nga ang hinungdan sa pagsaka sa presyo sa mga utanon mao ang padayon ug sunod-sunod nga mga bagyo nga miigo sa nasud bag-ohay lamang.
Kalabot niini, ang Philippine Statistics Authority namahayag nga mas hinay gihapon ang September inflation rate kon itandi sa 1.9% rate niadtong Septiyembre 2024.
Photo courtesy to:Klook travel
