Gigamit sa usa ka batang lalaki sa Florida ang iyang tinigom nga Goldfish crackers aron madani ang usa ka buwaya gikan sa duol nga linaw paingon sa ilang balay. Sulod sa pipila ka semana, nagsulti siya sa iyang inahan nga iyang gitigom matag adlaw ang crackers aron makadakop kini ug buwaya.
Wala kini giseryoso sa inahan hangtod nga nakita niya sa ilang Ring camera ang tinuod nga gibuhat sa bata ang iyang plano. Makita sa video, nga gipasunod sa bata ang buwaya padulong sa ilang ganghaan, gamit lang ang mga crackers.
Gipangutana siya sa inahan kung unsa iyang gihuna-huna, mitubag ang bata nga iya kunong dal on sa garahe ang buayaw pero mas maayo kuno ug sa front door niya kini paagion. Sa kakuyaw, daling mitawag ug animal control ang inahan aron kuhaon ug ibalik sa linaw ang maong buwaya.
Photo courtesy to:Lovingcreaturez
