BABAYE NASAKIT HUMAN GITULON ANG WALO KA BUHING BAKI

Wala nagduha-duha ang usa ka tigulang nga babaye nga gitulon ang walo ka baki, isip tambal sa sakit sa iyang likod, tungod niini, gidala siya sa ospital.

Sumala sa taho, giila ang maong babayemg senior nga si Zhang, sumala pa nya, usa ka matud pa ka estorya nga makapawala daw og kasakit sa likod ang pag-inom o pagtulon og buhing baki. Tungod niini, nangayo siya og tabang sa iyang mga paryente aron makasikop og baki ug gitulon niya ang lima ka buhi nga baki sa unang adlaw ug tulo pa ka baki sa sunod nga adlaw. Apan pagkahuman niini, nakasinati siya og grabe nga kasakit sa tiyan.

Base sa resulta sa medikal nga eksaminasyon, naguba ang digestive system sa pasyente ug nasulod sa iyang lawas ang mga parasite, lakip na ang sparganum tapeworm kon usa ka klase nga ulod nga makuha pinaagi sa pagkaon o kontak sa buhi nga baki o bitin.

Human sa duha ka semana nga pagtambal, hingpit nga naayo si Zhang, apan gigamit sa mga doktor ang maong insidente aron pahimangnoan ang publiko batok sa paggamit sa peligroso nga tradisyunal nga tambal.