Mapahimuslan og abli na ang Rice Processing System 1 (RPS) sa probinsya human pormal kining gi-inagurahan sa panguna ni Governor Raul Mabanglo sa Davao de Oro Farm sa Pasian, Monkayo October 8, 2025
Kahibaloan nga ang RPS 1 usa ka proyekto sa Philippine Center for Post Harvest Development and Mechanization (PhilMech) sa Department of Agriculture (DA) ubos sa Rice Competitiveness Enhancement Fund (RCEF).
Ang makinarya dugay nang nahimutang sa Davao de Oro Farm apan karon lang napaandar para sa publiko sa kagustohan ni Gov Mabanglo nga kini makatabang sa mga rice farmers sa probinsya nga mapatas-an sab ang ilang mga kita.
Apil sa Rice Processing System mao ang (1) State-of-the-Art Multi Stage Rice Mill nga adunay capacity nga 1-3 tons per hour nga naay pre-cleaner, de-stoner, huller, mist polisher, length grader, color sorter, blending tank, rice hull bin, ug dust collection bin nga nagkantidad og P11.05M pesos sa kinatibuk-an.
Nasyran nga Aduna puy duha (2) ka recirculating dryers nga tag 6 tons drying capacity nga stainless steel nga adunay heating systems, generator set, tools, ug uban pang accessories nga nagkantidad og P6.3M pesos.
Gawas niini, 124 ka Farmer Cooperatives and Associations (FCAs) ang gitagaan og 255 ka units sa production, crop establishment ug postharvest machinery, ug facilities apil ang tractors, combine harvesters, rice mills, ug recirculating dryers nga mupataas sa ilang kita.
Gipirmahan usab atol sa programa ang Marketing Agreement tali sa Provincial Government of Davao de Oro ug Compostela Valley Irrigators Producers Cooperative (CVIPCO) kon asa gisaysay nga paliton sa probinsya ang humay gikan sa coop aron masustenar ang food sufficiency sa probinsya ug makatabang sa kita sa mga mag-uuma.
Photo Courtesy to: Provincial Government of Davao De Oro
