Gipasakaan sa Senate Committee on Agriculture og contempt ang duha ka broker nga nalambigit sa interception sa mga smuggled agricultural products human sila namakak atol sa gipahigayong hearing.
Atol sa pagdungog, si Lujin Arm Tenero, sa 2014 Consumer Goods Trading, ug Brenda de Saguin, sa Berches Consumer Good Trading, gitumbok nga contempt human wala motuo ang mga senador sa ilang tubag dihang gipangutana bahin sa mga importer nga ilang nakatransaksyon.
Matod ni Tenero nga usa lang ka nagpailang “Carlos” ang iyang nahinabi kalabot sa importasyon sa mga container nga gideklarar nga dunay sulod nga chicken poppers ug chicken lollipops apan nasuta nga dunay sulod nga frozen mackerel ug round scads.
Sa laing bahin, gisaway usab sa komite si De Saguin human siya niangkon nga ang ilang lisensya sa Berches Consumer Goods Trading giabangan sa usa ka “Mr. Vicente,” kansang wala usab niya nailhan ang kumpleto niini nga pangalan ug kinsa giingong wa pa niya makita.
Sa imbestigasyon nasayran nga nag-import si Berches og 19 ka container vans nga gideklarar nga adunay sulod nga chicken lollipops ug chicken poppers apan nasuta nga adunay sulod nga carrots ug pula ug puti nga sibuyas.
Photo for Ilustration credits to: Carousell
