Gipaabot nga mag-ulan ang panahon sa pipila ka bahin sa nasud tungod sa Intertropical Convergence Zone (ITCZ) ug Northeasterly Windflow (Amihan), matod sa Philippine Atmospheric, Geophysical and Astronomical Services Administration (Pagasa).
Ang Visayas, Mindanao, ug Palawan ang apektado sa ITCZ, busa makasinati sila ug madag-umon nga kalangitan inubanan sa katag-katag nga pag-ulan ug pagpanugdog-kilat. Samtang, ang Amihan magdala ug madag-umon nga kalangitan inubanan sa pat-ak pat-ak nga pag-ulan sa mga probinsya sa Quezon ug Camarines Norte.
Ang Cagayan Valley, Ilocos Norte, Apayao, ug Aurora makasinati usab ug panagsang mapanganuron ngadto sa madag-umon nga kalangitan inubanan sa pat-ak pat-ak nga pag-ulan.
Samtang, ang Metro Manila ug ang ubang bahin sa Luzon makasinati ug panagsang mapanganuron ngadto sa madag-umon nga panahon nga adunay posibilidad sa localized thunderstorms.
Gipahimangnoan ang publiko nga magmabinantayon sa posibleng pagbaha ug pagdahili sa yuta tungod sa kusog nga ulan.
Photo Courtesy to:Istock
