Gibutyag ni Presidente Ferdinand ”Bongbong” Marcos Jr. nga gusto niyang tutokan ang mga programa sa katilingban ug edukasyon sa nahibiling mga tuig sa iyang termino. Atol sa usa ka yugto sa BBM Podcast nga gisibya kagahapong adlawa Martes, Oktubre 7, 2025, gipangutana si Pres. Marcos Jr. kung unsa ang iyang mga prayoridad alang sa sunod nga mga tuig ug kung unsa ang gusto niya nga labing mahinumduman.
Gipasiugda niya nga importante alang sa publiko nga adunay makaon, usa ka kapuy-an, ug usa ka maayong sistema sa pag-atiman sa panglawas. Sa higayon nga makab-ot na ang maong mga butang, si Marcos miingon nga ang sunod nga angay tutukan sa iyang administrasyon, mao ang sektor sa edukasyon.
Gihatagan usab niya og gibug-aton nga kinahanglang siguroon sa Presidente nga edukado ang sunod nga henerasyon.
Photo Courtesy to:Journal News Online
