Niretiro na human sa pito ka tuig nga serbisyo si Carolina, ang usa ka African giant pouched rat, nga giila nga bayani tungod sa iyang kahanas sa pag-detect sa tuberculosis (TB) sa East Africa.
Kauban sa non-profit nga APOPO, si Carolina nakatabang sa pag-ila sa kapin 3,000 ka kaso sa TB nga wala matag-an sa kasagarang laboratoryo. Tungod niini, giingong nakapugong siya sa kapin 400,000 ka posibleng bag-ong kaso sa TB.
Pinaagi sa iyang hait nga panimaho, kaya ni Carolina susihon ang 100 ka samples sulod sa 20 minutos buluhaton nga kasagarang daghang adlaw buhaton sa tawo.
Gisaulog ang iyang retirment sa usa ka espesyal nga kasadya, nga adunay cake ug kalipay sa klinika. Ang iyang istorya nagpamatuod nga ang bayani, dili lang tawo, usahay ang ilaga usab.
Photo Courtesy to:Instagram
