Gipahimuslan sa usa ka 35-anyos nga lalaki sa Estados Unidos ang pagpakaaron-ingnon nga flight attendant aron makalibre sa kapin 120 ka biyahe gikan tuig 2018 hangtod 2024.
Giila ang mangingilad nga si Tirone Alexander, nga misalig sa polisiya sa pipila ka airline nga nagtugot sa libre nga pagbiyahe sa mga crew nga gikan sa lain nga airline. Pinaagi sa paggamit og peke nga employer, hire date ug ID numbers sa online check-in, nakalusot siya sa daghang biyahe.
Matod sa Prosecution, nakabiyahe si Alexander sakay sa upat ka airline paingon sa Atlanta, Dallas, Las Vegas, ug Los Angeles. Sa korte, nasentensyahan siya sa upat ka kaso sa wire fraud ug usa ka kaso sa illegal entry sa restricted area sa airport nga adunay gibanabana nga maximum nga silot nga 90 ka tuig.
Itakda ang final sentencing ni Alexander sa sa dili pa mahuman ning tuig 2025.
Photo Courtesy to:1440
