Miabot na sa 72 ka katawo ang kumpirmadong namatay sa kusog nga linog nga miigo sa lalawigan sa Cebu niadtong Septyembre 30, base sa labing bag-ong report sa National Disaster Risk Reduction and Management Council (NDRRMC).
Samtang, 559 ang na report nga mga samaran og hangtod karoin nagpadayon pa ang ahensya sa pag pagberipika sa eksaktong ihap sa mga biktima.
Kapin tunga sa milyon ka mga residente ang naapektuhan sa maong katalagman, diin ang Lungsod sa Bogo ang pinaka grabe’ng naapektuhan nga adunay 29,696 ka pamilya o katumbas sa 90,187 ka mga residente.
Sa kinatibuk-an, 35,925 ka panimalay ang nadanyos sa probinsya. Pinakadaghan ang naitala sa lungsod sa San Remigio, nga 12,644 ka kabalayan ang naguba tungod sa linog.
Samtang sa pagkakaron, padayon pa gihapon ang mga rescue ug relief operations. Samtang ginahimo sa mga otoridad ang pagtuki sa tinuod nga gidaghanon sa mga biktima og ang kadaot nga namugna niini.
Photo courtesy to Balitang Ormocanon
