LALAKE GIPUSIL-PATAY

Patay ang usa ka lalaki nga gituohang gipusil gabie sa Oktubre 5, 2025 sa Orchard Road, Purok 1,  Brgy. La Filipina, Tagum City.

Sumala sa report sa Tagum City Police Station, giila ang biktima nga si James Blantucas Infiesto, 38-anyos ug taga-Purok 9 Malinawon, sa susamang lugar.

Nasayran nga alas-8:10 sa gabii nakadawat ang radio room sa Tagum PNP labot sa napalgang patay’ng lawas hinungdan nga giadtoan dayon sa kapulisan.

Matod sa mga testigo ngadto sa mga imbestigador nga nakadungog silag boto sa pusil ug pagkahuman niini nakaplagan ang patay’ng lawas sa biktima nga nagkadugo tapad sa iyang Suzuki Raider Motorsiklo nga gidrayban.

Nasuta nga naka-angkon kinig mga samad pinusilan hinungdan sa iyang hinanaling kamatayon.