Gipadayag sa aktor nga si Jameson Blake, nga positibo ug mainiton ang impresyon sa iyang pamilya sa Kapuso actress nga si Barbie Forteza. Sumala pa ni Jameson nga nalipay gyud ang iyang mga paryente sa pagkakita kang Barbie, nga ilang giabi-abi pag-ayo sa ilang balay sa Angeles City, Pampanga.
Makita sa nag-viral nga video nga mainit ang pagdawat sa pamilya ni Jameson apil na ang iyang mama, igsoon, ug uban pang paryente. Matud pa sa aktor, natunong nga ni-apil sila og fun run sa Angeles, human sa kalihokan, niadto sila sa ilang balay aron makigbonding. “They found her really nice and outgoing, just being herself,” ingon pa ni Jameson nga nalipay kay nadawat ug maayo si Barbie sa iyang pamilya.
Mas napalawom pa gyud ang ilang pagkasuod human silang nagkauban sa Netflix project nga “Kontrabida Academy.” Sukad niadto, pirmi na silang magkauban sa mga fun run ug laing mga event.
Sa GMA Gala niadtong Agosto, nasiplatan pa sa kamera ang ilang sweet moments diin ang kubtanay nila sa kamot sulod sa ballroom.
Sa dihang gipangutana kung unsa na ang label sa ilang relasyon, nagpabilin si Jameson nga simple ug tapat ang tubag: “Basta we’re both happy.” Gidugang pa niya nga nag-enjoy ra sila sa matag higayon nga magkuyog, ug plano pa nilang magpadayon sa pag-apil sa mga fun run.
Photo courtesy: pep.ph
