Nagpadala gilayon ang DSWD Field Office (FO) 7- Central Visayas og hinabang alang sa 20 ka pamilya nga naapektuhan sa sinkhole nga mitumaw sa San Remigio, Cebu human sa 6.9 magnitude nga linog.
Nag apud-apod gilayon ang ahensya og ready-to-eat food packs (RTEF) isip hinabang sa mga pamilyang temporaryong namakwit adlawng Biyernes (Oktubre 3). Ang pag apud-apod sa pagkaon kabahin sa padayong paningkamot sa DSWD aron masiguro nga luwas ang mga residente ug adunay mga batakang panginahanglan taliwala sa krisis.
Gipangunahan kini ni Secretary Rex Gatchalian, subay sa direktiba ni Presidente Ferdinand Marcos Jr. nga walay pamilyang Pilipino nga mabiyaan panahon sa kalamidad.
Photo Courtesy to:Daily Guardian
