Gipasabot sa Philippine Health Insurance Corporation kun PhilHealth Region 9 nga ang reseta sa na-admit nga pasyente gikan sa mga hospital dili covered sa yakap gamot package sa PhilHealth tungod kay ang libreng tambal sa yakap alang kini sa mga out-patient nga giresita sa yakap doctor.
Kini ang gipasabot ni Dr. Jacobo Maria Mendoza, ang Head sa Benefit Administration Section, sa programang Kapihan sa Rehiyon Nueve. Gipahayag niini nga ang resita gikan sa accredited yakap clinics maoy ma-covered sa yakap gamot.
Dugang pa sa opisyal nga kun ugaling adunay pasyente nga giresitahan sa ilang doctor human sila ma-admit puwede ra silang mag follow-up check-up sa ilang Philhealth Yakap Provider aron sila maka-avail sa yakap gamot.
Sa kasamtangan, adunay 75 nga libreng tambal ang covered sa yakap gamot package nga puweding ma-avail sa membro sa philhealth apan kun ang tambal nga giresita wala sa listahan ang pasyente na matod pa ang ma-obligar sa pagpalit niini.
