Gipusil-patay ang usa ka babaye sa suspetsado nga lalaki nga natigayon sa may Purok Kamunggay Barangay Ludiong Dinas, Zamboanga del Sur, kagahapon, Octobre 2, 2025.
Giila ang biktima nga si Sherylle, hingkod ang panuigon, mag-uuma ug residente sa Barangay Ludiong, Dinas, Zamboanga del Sur, samtang ang suspetsado giila sa ngalang Rolando, hingkod ang panuigon, ug residente sa Barangay Sugbay Uno, Dimataling, Zamboanga del Sur.
Sa inisyal nga imbestigasyon, ang suspetsado nag-inom ug ilimnong makahubog kauban ang pili nga pamilya sa suspetsado ug biktima sa panimalay sa amahan ni Sherylle.
Apan sa diha nga gibadlong sa biktima ang suspetsado sa pag-undang sa paggamit ug illegal nga druga nga gikasuko sa suspetsado ug sa wa madugay kini miresulta sa pagpusil sa suspetsado ngadto sa biktima.
Igo pinusilan sa dunggan ang na-angkon sa biktima nga gidali pagdala sa Dinas Rural Health Unit apan gideklara sa nag-atimang doctor nga dead on arrival.
Human sa panghitabo, dali usab nga misibat ang suspetsado hinungdan sa karon padayon pa kining gipangita sa kapulisan sa Dinas MPS aron kini papanubagon sa iyang salaod.
Personal nga panagbingkil ang gilantaw nga motibo sa kapulisan sa pagpusil-patay sa suspetsado ngadto sa biktima.
Photo for illustration credit to: Ada Derana
