Viral karon online ang usa ka inahan human midaog sa usa ka video game tournament sa Florida samtang gikugos niini ang iyang 5-day old nga anak.
Ang babaye naila nga si Legion, kinsa nidula sa Mortal Kombat XL tournament nga gi-host sa Juicy Game Night sa Orlando, Florida.
Gipildi ni Legion ang 3 ka magdudula, lakip na ang iyang kaugalingong bana, samtang nagkugos sa iyang anak nga si Cereza. Nasayran nga bag-o lang kini nanganak pinaagi sa Caesarean section.
Tungod sa maong kadaogan, si Legion nakaangkon ug $28 USD ug usa ka biyahe ngadto sa DreamHack Atlanta gaming festival sa umaabot nga ulahing bahin sa Oktubre.
Photo Courtesy to:Ignite your mind
