Nipakatap og dili mominus 2,250 ka mga pulis ang Philippine National Police (PNP) isip dugang tabang sa mga naapektohan sa magnitude 6.9 nga linog nga miigo sa Cebu.
Matod ni Directorate for Police Community Relations Deputy Director PBGen. Antonio Marallag Jr., ang maong mga pulis gikan sa nagkadaiyang units nga nadestino og gipadala isip dugang manpower sa Cebu.
Samtang nakadeploy ang pwersa gikan sa Police Regional Office 7, sa National Police ang gipakatap usab ang augmentation gikan sa PRO 8, Negros Island Region ug uban pang units.
Gitutokan karon sa maong mga personahe ang pagtabang sa relief operations sa maong lugar ingon man ang rehabilitasyon sa mga apektadong lugar.
Tutokon usab sa kapolisan ang pagmintinar sa seguridad ug kaluwasan sa publikong apektado sa linog. Sa pagkakaron, 34 ka PNP stations ang nalakip sa naguba tungod sa linog samtang 37 ka pulis ang apektado.
Photo Courtesy to:inquirer.net
