Imbis nga malooy ang mga netizens, murag na-dogshow pa hinoon ang actor ug public servant Arron Villaflor sa iyang paghangyo og pag-ampo para sa Cebu City.
Daghan ang nalibog sa iyang gipost sa social media diin nanawagan siya sa publiko nga mag-ampo para sa tanan nga naapektuhan sa 6.9 magnitude nga linog sa Cebu niadtong milabay nga adlaw.
Gipaambit sa aktor ug provincial board member sa ikaduhang distrito sa Tarlac ang usa ka art card diin makita ang iyang mensahe nga “Pray for Cebu and those affected by the earthquake.”
Sa maong post, makita ang litrato ni Arron nga murag nag-ampo. Base sa mga komento sa mga netizens, murag santo ang aura nga gipakita sa aktor sa iyang litrato.
Aduna usab mga nagsulti nga na-remind sila kang Zaijian Jaranilla sa 2009 ABS-CBN series nga “May Bukas Pa” nga nagdala sa karakter ni Santino.
Gidelete na ang maong post ni Arron apan daghan na ang naka-screenshot niini nga dali kaayong nakatakod sa social media.
Gi-repost kini sa “Follow The Trend Movement” o FTTM sa ilang page ug gilakipan og caption nga, “Tarlac board member Arron Villaflor nag-ampo para sa Cebu.”
Daghan ang nagkomento lakip na ang komedyanteng si Beki Mon, “Kakanood nya yan kay Santino noong araw.”
Photo Courtesy to: IMDb
