Kasamtangan nang nakadeploy ang medical team sa Department of Health (DOH) sa pipila ka mga lugar sa Sugbo aron maghatag ug dinaliang tabang medical human miigo ang magnitude 6.9 nga linog sa Bogo City, Cebu.
Matud sa DOH, naghimo na ug mga rapid assessment ang mga personahe sa DOH sa maong mga lugar. Nakapasa na ug report ang mga doktor, nurse, ug staff sa DOH Vicente Sotto Memorial Medical Center (VSMMC) ug DOH Cebu South Medical Center (CSMC).
Dungan niini, gitaho na sab sa DOH Centers for Health Development (CHDs) sa Central ug Eastern Visayas ilang sitwasyon. Hugot na sab ang koordinasyon sa DOH uban ang Office of Civil Defense (OCD) sa rehiyon alang sa mas dali nga pagtubag sa mga panginahanglan.
Nagpahinumdom ang DOH sa mga apektadong residente nga musunod sa tanang mga anunsyo ug pahimangno sa mga local nga kagamhanan ug mag-andam sa mga aftershock
Photo Courtesy to:inquirer.net
