Kapin sa 10,000 ka mga site na ang gipatangtang sa Cybercrime Investigation and Coordinating Center (CICC) isip parte sa kampanya sa gobyerno batok sa ilegal nga online gambling.
Matod ni CICC Acting Executive Director Renato Paraiso sa usa ka press conference, nakab-ot ang kalampusan pinaagi sa whole-of-society approach kon pagtinabangay sa lain-laing ahensya sa gobyerno ug mga pribadong partner.
Gidayeg usab niya ang mga social media influencer nga sila Sachsna Laparan ug Big Boy Cheng nga miuyon nga undangon ang pag-promote sa ilegal nga online gambling ug nagsilbing mga tigpasiugda sa responsable nga pagduwa.
Nangayo usab ang CICC ug ang ilang pribadong partner nga Digital Pinoys nga tangtangon ang mga page sa 30 ka social media influencers tungod sa kalambigitan nila sa ilegal nga online gambling.
Sa pagkakaron, nakolekta sa threat monitoring center sa CICC ug sa reporting site sa Digital Pinoys ang 1,610 ka ilegal nga gambling sites.
Photo Courtesy to:Asia gaming Brief
