Nasikop ang duha ka drug suspect human kini nakuhaan sa gituohang shabu atol sa gikasang drug buy-bust operation didto sa Purok 3 Kalubihan, Barangay Lower Salug Daku, Mahayag Zamboanga del Sur, pasado alas 3:10 sa hapon, niadtong nakalabay nga adlaw.
Giila ang mga dinakpan nga sila si “Berian” 41 anyos, usa ka PVC installer ug residente sa lugar ingon man si “Jeson” 33 anyos,laborer ug residente sa Titay, Zambonga Sibugay.
Ang operasyon gipangunahan sa mga kapulisan sa Mahayag Municipal Police Station, uban ang 902nd Company sa RMFB-9 sa koordinasyon sa PDEA-9 nga miresulta sa pagkabawi sa lima ka putos sa gituohang shabu lakip ang mark ug buy-bust money ug mga drug paraphernalia.
Sa karon ang tanang nakuha nga ebidensya gidala sa Provincial Forensic Unit camp Abelon Pagadian City alang sa Quantitative ug Qualitative Examination.
Samtang giandam na sa korte ang kasong may kalabutan sa Republic Act 9165 kun Comprehensive Dangerous Dugs Act of 2002 nga ipasaka batok sa mga dinakpan.
