Giawhag ni US President Donald Trump ang tibuok kalibutan nga drug industry human siya nagpahibalo nga magpataw siya og 100% tariffs sa tanang branded nga imported pharmaceutical products gawas lang kung ang mga kompanya magtukod og manufacturing plants sulod sa Estados Unidos.
Napulo ka adlaw na lang kutob sa dili pa ipatuman sa US president ang pinakagrabe nga lakang sa iyang global trade war, nagdali ang mga analyst sa pag-ila kung unsang mga nasod, kompanya ug tambal ang maapektuhan.
Bisan pa daghang kawalay klaro, adunay pipila ka exemptions. Ang European Union, nga usa sa pinakadako nga exporter, nag-ingon nga protektado ang bloc batok sa tariffs tungod sa usa ka trade deal nga gihimo na kaniadto.
Gipahibalo ni Trump sa milabay’ng adlaw nga magpataw siya og 100% tariff sa ‘tanang branded o patented nga pharmaceutical product’ gawas lang kung ang kompanya nakasugod na og pagtukod og manufacturing plant sa dili pa moabot ang Oktubre 1.
Nagpasabot ang pamahayag nga exempted ang generic medicines mas barato nga bersyon sa mga tambal nga ginaproduce kon mahuman na ang patent.
Si Neil Shearing, usa ka ekonomista sa Capital Economics, miingon nga limitado ra ang epekto sa exemption tungod kay bisan pa man ‘90 porsyento sa konsumo sa tambal sa US generic drugs,’ mga 10 porsyento ra kini kapin sa kantidad sa gasto.
Photo Courtesy: Biden White House
