Gitay-og sa kusog nga linog nga magnitude 6.9 ang Bogo City, Cebu, alas 9:59 sa gabii, Septiyembre 30.
Sa pinakaunang gi-report, aduna kini gikusgon nga magnitude 6.7 apan gi-upgrade sa Philippine Institute of Volcanology and Seismology (PHIVOLCS) human sa mas detalyado nga assessment.
Ang epicenter matod sa linog sa dakbayan sa Bogo sa gilawmon nga 5 kilometros. Sumala sa datus, nabati ang Intensity 5 sa Sipalay City, Negros Occidental; Lapu-Lapu City; ug Tacloban City. Ang Intensity 4 nasinati sa San Fernando, Cebu; Bulan, Bulusan ug Casiguran sa Sorsogon; Roxas City, Capiz; Himamaylan City, Negros Occidental; Ubay, Bohol; Lawaan, Eastern Samar; Laoang, Northern Samar; Catbalogan, Samar; ug Dipolog City, Zamboanga del Norte.
Nabati usab ang Intensity 3 sa Legazpi City, Albay; Iriga City, Camarines Sur; Donsol, Sorsogon; ug Tibiao, Antique. Nagpahimangno ang PHIVOLCS nga ang mga lugar nga naapektuhan posibleng makasinati pa og daghang aftershocks.
Giawhag ang publiko nga magmatngon ug mag-amping samtang nagpaabot sa dugang update gikan sa ahensya.
Photo Courtesy to:PNA
