Nagdumili sa paghatag og komento ang Malacañang sa giingong conflict of interest ni Senador Rodante Marcoleta sa imbestigasyon sa Senate Blue Ribbon Committee sa anomalosong flood control project.
Kini human nigawas ang balita sa giingong kalambigitan sa asawa sa senador sa insurance company sa contractor’s bond sa magtiayong Discaya, kinsa lakip sa giimbestigahan sa flood control scandal.
Matod ni Palace Press Officer Claire Castro, si Senador Marcoleta lang ang makatubag kung adunay conflict of interest tali sa iyang personal nga relasyon ug sa kasamtangang nagpadayong imbestigasyon.
Dili matud pa matino sa Malacañang kon unsa kalawom ang giingong koneksyon sa asawa ni Marcoleta sa insurance company, o unsa ba ang relasyon sa senador sa mga Discaya.
Gitataw sa Palasyo nga kinahanglang tugotan si Senador Marcoleta sa pagklaro sa isyu ug kon aduna ba kini epekto sa iyang padayon nga pagka miyembrop isip sakop sa komite nga nanguna sa pagsuta sa mga katiwalian sa mga proyekto sa flood control projects.
Photo Courtesy to:PNA
