Nalipay ang mga doktor nga malampuson nga nakahimo og usa ka talagsaong operasyon human makuha nila ang daghang kutsara, toothbrush, ug ballpen gikan sa tiyan sa usa ka pasyente.
Ang maong lalaki gidala sa ospital, tungod sa grabe nga kasakit sa iyang tiyan. Apan sa dihang gisusi pinaagi sa scan, nakurat mismo ang mga doktor sa ilang nadiskobrehan nga mga gamit sa balay ang anaa sulod sa iyang tiyan.
Gipahigayon gilayon ang emergency operation, diin matag usa sa mga butang gikuha sa maampingong paagi.
Sumala sa mga eksperto, talagsaon kining klase sa kaso ug posible nga adunay kondisyon sa paghunahuna ang pasyente nga niduso kaniya sa pagkaon ug mga dili makaon nga butang. Sa pagkakaron, anaa na sa maayong kondisyon ang lalaki ug nagpa-ayo na human sa operasyon.
Photo Courtesy to:watercooler
