Giklaro ni kanhing Presidential spokesperson Atty. Harry Roque, nga fake news ang nikatap nga si kanhi Presidente Rodrigo Duterte nakagawas na sa ICC detention facility sa The Hague Netherlands. Matod ni Roque, wala pay desisyon kalabot sa hangyo nga interim release alang sa kanhi presidente.
Nihatag og gibug-aton si Atty. Joel Butuyan, usa ka ICC-accredited Lawyer, nga dili tinuod ang impormasyon nga nikatap bahin sa giingong pag-apruba sa interim release ni Duterte.
Gipahayag ni Butuyan, nga tuyo sa kampo sa mga Duterte supporters nga malibog ang publiko pinaagi sa sayop nga impormasyon.
Una na usab nga gihangyo sa Duterte Bloc ang Senado, alang sa interim release kang Duterte, nunot sa giingong welfare check sa kanhi presidente samtang siya gitanggong sa ICC sa The Hague, Netherlands.
Nanawagan si Senador Ronald Bato dela Rosa sa Senado, nga ilakip sa agenda ang Proposed Senate Resolution Number.
Tumong sa maong resolusyon, nga barogan ug suportahan sa Senado ang panawagan nga ipaubos sa house arrest si Duterte.
Photo courtesy to:Abogado
