Arestado sa mga kapulisan ang usa ka 30 anyos nga lalaki human kini nakuhaan sa illegal nga druga nag lakip sa illegal nga armas atol sa pagpatuman sa search warrant operation sa may Purok Tanducan Barangay, Poblacion Tabina Zamboanga del Sur, niadtong nakalabay nga adlaw.
Gipangalanan sa PNP Tabina ang dinakpan nga si “Demzon”, 30 anyos, mananagat ug residente kini sa maong lugar. Ang operasyon gihimo pinasikad sa gahom sa Search Warrant nga gi serve sa kapulisan sa lungsod sa Tabina nga giisyo sa Branch 23 Molave Zamboanga Del Sur.
Nakuha sa akusado ang duha ka putos nga gituohang shabu nga nag lakip sa usa ka 347 revolver nga walay serial number ug mga drug paraphernalia. Sa karon ang mga nakuhang illegal nga butang ilabina ang ginadiling druga gidala sa Zamboanga del Sur Provincial Forensic Unit alang sa quantitative ug qualitative examination.
Samtang ang dinakpan tanggong na sa Tabina Municipal Police Station, ug posebling mag atubang sa kasong may kalabutan sa Republic Act 9165 ug Republic Act 10591 tungod sa paghupot sa ihalas armas.
Photo courtesy to:Tabina Municipal Police Station
