Andam matud pa ang legal team ni kanhi Presidente Rodrigo Roa Duterte nga mosunod sa tanang kondisyon nga ipahamtang sa International Criminal Court (ICC) alang sa iyang posibleng interim release.
Sumala sa lead counsel nga si Nicholas Kaufman, gisugo siya ni Duterte nga buhaton ang tanan aron masiguro ang pag-uyon sa interim release, bisan pa man sa unsang mga kondisyon sama sa pagpuyo sa ikatulong nasud, travel restrictions, ug mga monitoring measures.
Karon, ginasusi sa ICC Pre-Trial Chamber ang gihimong mosyon sa depensa. Dugang pa ni Kaufman, wala usab gisupak sa gobyerno sa Pilipinas ang ilang hangyo.
Gikatakda untang ipahigayon ang confirmation of charges hearing sa Nobyembre 2025, apan tungod sa pagka-postpone niini nga walay klarong petsa, gilantaw karon sa korte kung may basehan pa ba nga ipabilin sa prisohan ang kanhi pangulo.
Nahinumdoman nga gipadayag ni Bise Presidente Sara Duterte nga adunay nasud nga andam modawat sa iyang amahan kon matugotan kini nga makagawas ubos sa interim release.
Photo credit: ICC
