Ni-resign sa iyang katungdanan si Baguio City Mayor Benjamin Magalong isip special adviser sa independent Commission for Infrastructure (ICI).
Gikompirmar kini sa mga kawani sa mayor human gipahibawo sa Malacañang nga gisusi pa nila ang iyang appointment tungod sa giingong conflict of interest. Misumiter si Magalong sa iyang resignation letter ngadto kang Presidente Ferdinand Marcos Jr. niadtong Septiyembre 26, 2025.
Ang nasangpit nga suwat nagkanayon nga dili gyud niya pasagdan ang nag-unang responsibilidad nga gitugyan kaniya sa iyang mga konstituwente sa Baguio City, diin mao kini ang nag-unang sentro sa iyang pagserbisyo sa publiko.
Una nang niingon ang Malacañang nga ilang gitun-an pag-ayo ang pagappoint kang Magalong sa ICI tungod dili pwede sa gobyerno ang paghupot og duha ka posisyon.
Photo courtesy to:Inquirer.net
