Magsugod na karong adlawa (Septiyembre 26) ang bag-ong garbage contractor sa syudad nga Standard System aron nga manghipos sa mga nakapasad nga basura sa nagkadaiyang barangay sa dakbayan.
Kagahapong adlawa, gilagdaan na ang kontrata ug daling gimando ni Mayor Klarex Uy ang full operation sa bag-ong kolektor sa basura karong adlawa.
Gihangyo sab ni Engr Armen Cuenca, CLENRO Department Manager ang katawhan nga musunod na sa gitakda nga adlaw kung kanus-a maglabay og basura ug aron nga dili maglibog ang mga tao, sundon ang naandan nga schedule nga duha kabeses sa matag semana ang pagpangolekta sa basura.
Magpagawas lang og basura sugod alas singko sa buntag hangtud sa alas otso sa buntag. Samtang sa adlaw’ng domingo, walay schedule sa koleksyon sa basura.
