Arestado sa gipahigayong buy-bust operation ang usa ka 27-anyos nga lalaki, lumulopyo sa Purok Tanguili, Barangay Tubod, Iligan City, Septyembre 25, 2025, nga gipasiugdahan sa mga personahe sa City Drug Enforcement Unit-Iligan City Police Office nga gipangulohan ni PMAJ. Jonan B. Bañas, ubos sa kamanduan ni PCOL Jerry A. Tambis, City Director Iligan City Police Office, kauban ang intel operatives sa Police Station 4 ug sa PDEA Region 10.
Nasakmit sa mga otoridad gikan sa nahimutangan sa suspek ang illegal nga droga nga adunay gibug-aton nga 6 gramos ug adunay market value nga Php 40,800.00, kalakip na ang marked money nga tulo ka tag 100 pesos.
Sa kasamtangan ang suspetsado anaa sa kustodiya sa Iligan City Police Station 4 -detention cell , alang sa tukmang lakang ug gi-atubang ang kasong paglapas sa RA 9165 o ang Comprehensive Dangerous Drugs Act 2002.
Photo courtesy of ICPS-4
