Ginalauman nga sa bulan sa Oktubre makunhuran na ang natalang dose ka kaso sa hand, foot and mouth disease dinhi sa dakbayan sa Cagayan de Oro.
Saysay ni Dr Rachel Dilla, City Health Officer nga kung itandi sa mga nilabyang bulan, mas ubos ra ang natalang dose ka kaso sa HFMD sa syudad ug dili ra sab ingon ana ka paspas ang pagkalat sa sakit tungod taas na sab ang kahimatngon sa mga ginikanan ug tulunghaan.
Gipunting sab ni Dr Dilla ang dali nga aksyon sa mga tulunghaan nga adunay estudyanteng natapnan sa HFMD aron nga dili mukalat ang sakit.
Gidasig sab ang mga ginikanan nga kung adunay hilanat ang bata, dili na lang ipatungha aron malikayan ang pagtinakdanay.
Kahinumduman nga sa nilabayng semana, daan nang nagapasidaan si Konsehal Paolo Nicolo Gaani ngadto sa mga tanan ug hingtungdang departamento sa syudad nga paspasan ang pagpasabot sa katawhan kalabot niining hilabihang makatakod nga Hand, Foot, and Mouth Disease.
Photo courtesy: City Health Office
