Bulag na si Jake Cuenca ug Chie Filomeno sukad pa niadtong Agosto human sa halos duha ka tuig nga live-in partners. Base sa kasaligan nga source, nakumpirma ni Jake nga adunay lain nga karelasyon si Chie nga mao si Matthew Lhuillier, ig-agaw sa partner ni Sofia Andres nga si Daniel Miranda.
Matud pa nga gihigugma pag-ayo ni Jake si Chie nga bisan pa adunay mga higala nga miingon nga nakig-date kini sa uban, wala gihapon siya motoo. Bisan dili favor ang ginikanan sa aktor kang Chie tungod sa family background niini, pirme gihapon iyang gidepensahan ug gipakita nga seryoso siya sa relasyon.
Apan niadtong ikaduhang semana sa Agosto, nakadawat si Jake og text nga nagsulti nga nakita si Chie kauban sa usa ka family event sa pamilya Lhuillier. Human makumpirma ang sitwasyon, gipangayo dayon ni Jake nga kuhaon o ipadala na lang ang tanan niyang gamit, ug mitug-an si Chie nga tinuod nga nagkarelasyon na sila ni Matthew.
Sa pagkakaron, giingon nga si Chie mao na ang karelasyon ni Matthew nga sakop sa usa ka ultra-rich family. Samtang si Jake nagpabilin nga busy sa iyang mga proyekto ug gibarugan nga wala na siya mobalik sa bisyo sa alak ug sigarilyo.
Photo courtesy: Philstar
