Gi-angkon ni Engr. Brice Hernandez, kanhing assistant district engineer sa Department of Public Works and Highways kon DPWH-Bulacan 1st District Engineering Office nga halos substandards ang gihulma nga proyekto sa Bulacan.
Nasayran tungod sa obligadong paghatag nila sa 25 ngadto sa 30-porsientong commitment gikan sa kinatibuk-ang pundo sa matag-proyekto.
Sa nahitabong pagdungog sa Senate Blue Ribbon Committee, gibutyag ni Hernandez nga apil niini nga mga proyekto ang kadalanan, tulay, multi-purpose ug school buildings, lakip ang overpriced nga streetlights nga gipatukod sa matag kadalanan.
Kahibaloan nga gipangutana ni Senador Bam Aquino, si Hernandez nga wala sila’y tarong nga proyekto bisan usa tungod sa mga porsyentong gipangayo ngadto kanila.
Photo courtesy to:abs-cbn
