Gikumpirma sa Department of the Interior and Local Government (DILG) nga dili lehitimo nga lihok protesta ang nahitabo nga kagubot sa mendiola niadtong Septyembre 21 kundili usa kini ka bayad ug organisado nga pag-atake.
Sumala kang DILG Secretary Jonvic Remulla nga anaa sa 11 anyos pataas ang mga gipang-recruit gikan sa Quiapo ug gipangbayran ug tag Php3, 000.00 matag usa aron nga mosalmot.
Lakip matod pa sa mando ngadto sa grupo mao ang pag-abot sa Malacañang ug kung mahimo nga sunugon usab kini.
Kalabot niini, anaa sa 217 ka mga tawo ang giimbestihan karon, lakip ang 95 ka mga menor de edad samtang giimbestigahan usab kung kinsa ang nagpondo ug nagpaluyo niini.
Sumala sa DILG nga posibleng atubangon sa mga nalambigit ang kasong arson, destruction of property, inciting to sedition, ug sedition.
Photo Courtesy:Philstar.com
