Patay ang usa ka wala pa mailhing lalaki human giingong nalambigit sa gubot nga demonstrasyon sa Mendiola niadtong Domingo, Setyembre 21.
Sumala sa impormasyon nga gipagawas sa Department of Health (DOH), nadala pa ang biktima sa tambalanan apan namatay kini tungod sa grabeng samad nga naangkon.
Hangtod karon, padayon pa nga gisusi sa mga otoridad ang pagkatawo sa biktima.
Wala pa ipadayag sa mga otoridad ang dugang detalye kabahin sa panghitabo ug nagapadayon usab ang imbestigasyon aron matino ang hinungdan sa insidente ug kung kinsa ang responsable niini, apan gipaabot nga magpagawas sila og opisyal nga pahayag sa mosunod nga mga adlaw samtang nagapadayon ang ilang imbestigasyon.
Photo Courtesy: Inquirer.net
